በኮቪድ-19 ምክንያት የሳይበር ጥቃት መጨመሩን ተከትሎ የአይቲ ባለሙያዎች ከፍተኛ ጫና ዉስጥ ናቸዉ::

በኮቪድ-19 ምክንያት የሳይበር ጥቃት መጨመሩን ተከትሎ የአይቲ ባለሙያዎች ከፍተኛ ጫና ዉስጥ ናቸዉ::
June 16, 2020 No Comments Uncategorized Ethioadmin

ላለፉት ጥቂት ወራቶች ሰራተኞች በቤት ሆነዉ ሥራዎች እንዲሰሩ በመደረጉ እና የሳይበር ጥቃት ከፍ ማለቱን ተከትሎ የአይቲ ባለሙያዎች ከፍተኛ የስራ ጫና ዉስጥ መሆናቸዉን የኢቫንቲ Ivanti  ጥናት ጠቆመ፡፡

የሳይበር ደህንነት ማስጠበቂያ ምርት አቅራቢዉ ‘ኢቫንቲ’ በጥናቱ 1,600 የኢንፎርሜሸን ቴክኖሎጂ ኤክስፐርቶችን ያሳተፈ ሲሆን ባለሙያዎቹ ሰራተኞች በቤታቸዉ ሆነዉ እንዲሰሩ መደረጉ ለከፍተኛ የስራ ጫና መዳረጋቸዉን ጠቁመዋል፡፡ በዚህም የአይቲ ባለሙያዎች የሥራ ጫና በ37 በመቶ ማደጉን ተነግሯል፡፡

የኮቪድ-19 ከተከሰተ ወዲህ የሳይበር ደህንነት ስጋት የጨመረ ሲሆን አጥፊ ተልእኮ ያላቸዉ ኢ-ሜይሎች 58 በመቶ ጭማሪ ያሳየ ሲሆን ፣ የሰራተኛ ያልተጣጣመ የአጠቃቀም ስርዓት መኖር 45 ከመቶ እንዲሁም የሶፍትዌር የጥቃት ተጋላጭነት 31 ከመቶ ጭማሪ ታይቷል፡፡

ባለሙያዎችን ጫና ውስጥ ከከተታቸዉ ሌሎች ጉዳዮች መካከልም ከቪ.ፒ.ኤን ጋር የተያያዙ ጉዳዮች (74%) ፣ የቪዲዮ ኮንፈረንስ (56%) ፣ የባንድዊድዝ /bandwidth/ መስተጓጎል (48%) ፣ የይለፍ-ቃል ማስጀመሪያ (47%) እና ከመልእክት ጋር የተያያዙ ጉዳዮች (47%) መሆናቸዉ ተጠቅሷል፡፡

የኢቫንቲ የሳይበር ደህንነት ሀላፊ የሆኑት ፊል ሪቻርድስ በበኩላቸው የኮቪድ 19 መከሰት እና ሰራተኞች በቤታቸዉ ሆነዉ መስራት መጀመራቸዉ በአይቲ ዘርፍ ለተሰማሩ አካላት ላይ ያልተለመደ ፍላጎት እንዲከሰት እና እንዲጨምር ማድረጉን ጠቁመዋል፡፡ ምንጭ፡ ኢንፎሴክ ማጋዚን

About The Author

Leave a reply

Your email address will not be published. Required fields are marked *